Kena ari minggu tu tadi kena 13 /9/2009 kami menyanak ke kebun ka ngiga lauk ko jaku..lama ga enda ke kebun laban daddy ia ke kereja.. Sida ipar pan ka ga enggau seraya ke alu ke rumah ko sida. Kami sama mai kereta kediri. Aku sigi lembau amai (jadi driver) laban jauh ga kin..kira 2 jam meh ari miri..nya pan enti nadai ngetu.
Manah amai ga ari pagi nya...Tumu ga kami mupok laban ti enggai ngelaban panas..Datai kebun kira pukol 9 pagi..tapi ari segi udah panas ga. Aku ngasuh ah-san enggau k-rol ngumpul buah chabi(jaku bula bc ga 1kg chabi padi gumpul seduai ia) aku meda2 aja utai di kebun. Dah nya enggau ipar ngiga tubu..alu giga lauk meh kami duai.Maioh ga lauk ulih..daun ubi, kucai, cangkok, buah entekai...faham2 meh lauk orang kampung.
Kira pukul 11 pagi kami ke rumah ngetu tengahari( merarau). Laban ti lama enda ngabas kebun aku mai sida ak2 singah kebun siti agi ga..ka ngiga daun sabung, tapi nadai daun muda. Laban musim kemarau nadai nerasak. Enda lama kami dia alu ke rumah meh.
Nasib ga sida inik ia bisi di rumah, baru pulai ari kebun ko iya..Wai ia(menyadi daddy ia ke tuai) enggau sida aya bilik sepiak ngadu rumah. Nya meh ipar aku ka sama ari miri ngasuh menyadi iya bilik sepiak manggang sida pala jani, sayap manok ke beli kami,
Dah makai semua...kira jam pukul 3 aku mai mupok meda mua ari nyau petang.
Laju ngapa ga aku drive ngelaban jalai jai, berumban ke ari ti ujan.Sida ipar entundi kami ga. Laban takut jalai licin amai maia ujan. Enti enda ujan nama kira sigi manah meh jalai( baka orang putih pala laban debu enti ngena motosikal). Nyau datai ba jalai ke manah senang ga anak ati, amai meh ujan ribut kudi, nyau enda peda garis jalai enti enda ngena api kereta,amai meh aku terlaba drive jauh..pulai menua diri empu...genggam semangat ko orang tuai..laban semina aku ke tuai ke kami sebilik ...
Panjai ga intro aku, minta ampun meh, boring macha.
Leboh mansa Lambir National Park, ari kira ke udah ngetu ujan. Mesik2 aja meh...jalai pan enda ga basah laban orang nadai masang api kereta.Jam maia nya kira pukul 4.30 petang. Drive pan enda ulih laju laban maioh kereta be-entudi. Leboh ti niki bukit song aku sigi enda speed laban meda kereta maioh..nya meh beri aku gear 2 aja( baka ti nemu-nya meh ko orang-lain asai ati).
Benung ba tengah bukit aku meda kereta ti ba belakang kereta kami overtake(hilux chelum) enda ingat aku ambi no ia... ..Apuu ko ati ku din berani amai iya tu overtake ba bukit ketu. Tang aku enda ga peduli ke nya...engka sida berumban kini, awak meh. Bedau abis ati aku ti bejaku kediri berandau nengali peda ku kereta(hilux chelum tu kereta baru plat QMN aku enda ulih lupa no) ke depan kami pan ka overtake ga tang nadai meri signal, dah masuk lorong sepiak kereta iya. Engka tekenyit kini iya meda kereta belakang kami sama overtake, engka iya ka enda nyadi overtake kini tauka iya enda ulih control string( peranggam ati aku aja tu). Alu pelintang meh kereta nya ba tengah jalai....Aku alu manjung madah ke bala ak2 ( 5 orang kami, aku , umang, k-rol, cha enggau ah-san) mati kitai ko aku..nama kereta nya kenya ko aku..Enda lama wai...lama agi kitai ti bejaku seleka..bedau abis panjung aku..sida ak2 sama tekenyit meh ninga aku manjung..peda aku tak pecah batu ti gaga orang tisi jalai di lantak kereta nya..engka ti nadai utai bai( lepong kereta nya gaya) bepusin kereta nya nuju kereta kami...mati meh kitai di langgar kereta nya legi ko aku madah. Imijen kita kini aku lari...sepiak aku siti kereta ke benung overtake, belakang niboh kira juta2 kereta ko abau..Nasib aku enda nervous aku slow ja drive. Enda bulih 2 second wai peda kami tak bepusin baru ga kereta nya laban ti udah ngelantak batu tisi jalai..keluar ari jalai..dulu kemudi iya ngelunsur labuh ngagai tebiang ba bukit song nya( fikir kita idup kitai enti labuh kia) .Sapa ti kala mansa menua nya nemu peninggi tebiang( cenuram) sepiak kiba niki bukit song ari Bintulu....nasib amai enda ngelantak kami ko aku dalam ati. Laban ti agi rawan ati tambah mega enda nemu ngetu ba utai bukit kenya..enda ngetu kami, enda alah ga giga penusah aja tambah mega ujan alu balat baka ujan batu ko orang tuai...nama leka ujan besai. ( ukai aku enda peduli ke nasib orang) Pandak runding aku ba senentang tu.. Datai atas bukit song aku alu telepon ngagai sida ipar nanya sida bisi meda kereta ngetu ba tengah bukit song. Bisi ko iya...aku alu cerita utai ti nyadi...nadai apa nama kita ko iya , au nadai ko aku...PUJI TUHAN ko ia..sida ti ngetu nya engka orang bukai ke belakang kami meh nya ti sama meda utai ti nyadi...
Enda jenak aku tindok lebuh ku ngenang utai ti nyadi ba depan mata bakanya...Ari siti (monday) aku cerita enggau bala bakih ba sekula...nya meh sida madah nasib ga enda kena rimbas kereta nya ga kereta dik wai...Ba iya ko aku....Bakih aku ti pulai ari Bintulu kira pukul 6pm mansa endur nya madah orang agi maioh dia...nya iya madah engka parai meh seduai ti dalam kereta nya( ninga cerita orang kampung) engka bakih aku nya bisi nanya orang dia kini... Enti idup nasib meh..........Besampi meh ngagai petara (TUHAN) jaga meh kitai /diri sebilik enda kira dini alai
ambi enda kena penusah bakatu..Ko aku perkara ketu ulih diseliah enti kitai sabar lebuh ti driba..lebih agik enti kitai segi nemu kawasan enda ulih overtake orang( kawasan bebahaya ko laut).
Moral Value ari cerita aku nyaa.....sama2 kitai fikir meh..
Subscribe to:
Post Comments (Atom)
No comments:
Post a Comment